FAKE UNIVERITIES | దిల్లీ: దేశ వ్యాప్తంగా 21 న‌కిలీ యూనివర్సిటీలు ఉన్నట్లు యూనివర్సిటీ గ్రాంట్స్‌ కమిషన్‌ (UGC)  తెలిపింది.  ఈ మేర‌కు యూజీసీ వెబ్‌సౌట్‌లో పొందుప‌రిచింది.  ఇలాంటి న‌కిలీ వర్సిటీలు దిల్లీలో అత్యధికంగా ఉన్నాయి. ఢిల్లీలో  8 ఉండగా,  యూపీలో 4, ఏపీ, బెంగాల్‌, కేరళలో 2 చొప్పున‌, కర్ణాటక, మహారాష్ట్ర, పుదుచ్చేరిలలో ఒక్కొక్కటి చొప్పున న‌కిలీవి ఉన్నట్టు తెలిపింది. గతేడాది దేశంలో 20 నకిలీ యూనివర్సిటీలు ఉండగా.. 2024 మే నాటికి వాటి సంఖ్య 21కి చేరింది. ఈ నకిలీ వర్సిటీలకు డిగ్రీలు ప్రదానం చేసే అధికారం లేదని గతంలోనే యూజీసీ స్పష్టం చేసింది. యూజీసీ చట్టంలోని నిబంధనలకు విరుద్ధంగా ఉన్న ఇలాంటి విశ్వవిద్యాలయాలు ప్రదానం చేసే డిగ్రీలను ఉన్నత విద్య, ఉద్యోగ ప్రయోజనాల కోసం గుర్తించబోమని, ఆ డిగ్రీలు చెల్లుబాటు కావని UGC ఇప్పటికే తేల్చి చెప్పింది. ఏపీలోని గుంటూరులోని కాకుమానివారితోటలో క్రైస్ట్ న్యూ టెస్టమెంట్ డీమ్డ్ యూనివర్సిటీ; విశాఖలోని బైబిల్ ఓపెన్ యూనివర్శిటీ ఆఫ్ ఇండియాను నకిలీవిగా యూజీసీ ప్రకటించింది. ఫేక్‌ యూనివర్సిటీల పూర్తి వివరాలతో కూడిన జాబితా యూజీసీ వెబ్‌సైట్‌ను సంప్ర‌దించాల్సి ఉంది. 

* దేశ వ్యాప్తంగా న‌కిలీ యూనివ‌ర్సిటీల జాబితా ఈ విధంగా ఉంది. 

దిల్లీలో న‌కిలీ యూనివ‌ర్సిటీలు (8)..

-ఆల్‌ ఇండియా ఇన్‌స్టిట్యూట్‌ ఆఫ్‌ పబ్లిక్ అండ్‌ ఫిజికల్‌ హెల్త్‌ సైన్సెస్‌ (AIIPHS)

-కమర్షియల్‌ యూనివర్సిటీ లిమిటెడ్‌- దర్యాగంజ్‌

-యునైటెడ్‌ నేషన్స్‌ యూనివర్సిటీ

-వొకేషనల్‌ యూనివర్సిటీ

-ఏడీఆర్‌ - సెంట్రిక్‌ జ్యూరిడికల్‌ యూనివర్సిటీ

-ఇండియన్‌ ఇన్‌స్టిట్యూషన్‌ ఆఫ్‌ సైన్సెస్‌ అండ్‌ ఇంజినీరింగ్‌

 -విశ్వకర్మ ఓపెన్‌ యూనివర్సిటీ ఫర్‌ సెల్ఫ్‌ ఎంప్లాయిమెంట్‌;

-ఆధ్యాత్మిక్‌ విశ్వవిద్యాలయ (ఆధ్యాత్మిక విశ్వవిద్యాలయం)

ఉత్తరప్రదేశ్‌లో (4)

-గాంధీ హిందీ విద్యాపీఠ్‌, ప్రయాగ్‌రాజ్‌

-నేతాజీ సుభాష్ చంద్రబోస్‌ యూనివర్సిటీ (ఓపెన్‌ యూనివర్సిటీ)

-భారతీయ శిక్షా పరిషత్‌ 

-మహామయ టెక్నికల్‌ యూనివర్సిటీ

 -పశ్చిమబెంగాల్‌లో(2)..

-ఇండియన్‌ ఇన్‌స్టిట్యూట్‌ఆఫ్‌ ఆల్టర్నేటివ్‌ మెడిసిన్‌

-ఇన్‌స్టిట్యూట్‌ ఆఫ్‌ ఆల్టర్నేటివ్‌ మెడిసిన్‌ అండ్‌ రీసెర్చి

కేరళలో (2)

-సెయింట్‌ జాన్స్‌ యూనివర్సిటీ (కేరళ)

-ఇంటర్నేషనల్‌ ఇస్లామిక్ యూనివర్సిటీ ఆఫ్‌ ప్రొఫెటిక్‌ మెడిసిన్‌ (IIUPM)

-బదగాన్వి సర్కార్ వరల్డ్ ఓపెన్ యూనివర్సిటీ ఎడ్యుకేషన్ సొసైటీ (కర్ణాటక)

-రాజా అరబిక్‌ యూనివర్సిటీ (మహారాష్ట్ర)

-శ్రీ బోధి అకాడమీ ఆఫ్‌ హయ్యర్‌ ఎడ్యుకేషన్‌ (పుదుచ్ఛేరి)